Sen novos positivos nas PCR do foco do Saviñao

O alcalde do Saviñao, Juan Carlos Armesto, confirmou que o brote de coronavirus detectado durante o fin de semana no seu municipio mantense estable, dado que non se detectaron novos positivos nas probas PCR realizadas nas últimas horas por parte das autoridades sanitarias.

Un sanitario protexido con luvas sostén unha mostra para realizar unha Análise PCR nun local de Deputación de Bizkaia, onde recollen mostras de traballadores funcionarios que deron positivo en Covid-19 ou estiveron en risco de dalo. H.Bilbao - Europa Press

Armesto precisou que o resultado de todas as PCR realizadas o domingo foi negativo e aínda que as autoridades sanitarias seguen realizando probas, fixéronas edste luns e seguen este martes, 28 de xullo, precisa que “cada vez é menos probable que xurdan novos casos positivos, dado que xa se están comprobando contactos cada vez máis indirectos.”

En declaracións a EFE, Armesto precisou que “non houbo alteracións”, mantéñense “os quince positivos” detectados durante a fin de semana, oito no Saviñao e outros sete en Paradela, aínda que todos eles vinculados á mesma celebración familiar na parroquia de Reiriz do concello do Saviñao.

De feito, precisou que a “trazabilidade de cada un dos casos positivos detectados foi perfectamente determinada por Sanidade,” cuxos responsables informaron ao Concello do Saviñao de que “malia que o número de casos é importante, non houbo transmisión comunitaria”.

DEIXAR UN COMENTARIO

Please enter your comment!
Please enter your name here