IniciosociedadeActividades alternativas para as ‘Festas de Verán’ en Quiroga

Actividades alternativas para as ‘Festas de Verán’ en Quiroga

Serán do 7 ao 10 de agosto cun programa dirixido a todos os públicos no que se inclúen actividades deportivas, actuacións musicais, maxia e animación de rúa.

Publicado o

POR
Redacción
- Advertisement -

A situación derivada da Covid19 provocou a cancelación de verbenas e outros concertos que puidesen concentrar xente, co cal dende o Concello de Quiroga optaron por confeccionar un programa con actividades atractivas e variadas que encaixasen nos gustos de todo o público.

Dentro deste programa de ‘festas alternativas’ está a coñecida Mostra do Mel de Quiroga, que será o vindeiro 10 de agosto, coincidindo coa primeira feira do mes nesta vila.

O venres 7, das 12:00 h. ata as 22:00 h. terán lugar varios pases  do espectáculo de maxia “A volta a Galicia en 313 Concellos” a cargo do gran Mago Antón. Esta actividade realizarase dentro do seu espectacular “Magomóbil” con aforo limitado en varios pases ao longo do día e de xeito gratuíto para os asistentes. Esta actividade, contan dende o concello, conta co patrocinio da Xunta de Galicia a través do programa “Cultura no Camiño”.

Os pases do espectáculo  están distribuídos  do seguinte xeito: pola mañá de dous pases ás 12:00 h e as 13:00 h. Xa pola tarde, haberá cinco pases dende as 18:00h ata as 22:00 h cada hora.

O sábado 8, ás 13:00 h., espectáculo de animación de rúa “Psycho-Delia” a cargo de Troula Animación. Tamén nesta actividade o Concello de Quiroga conta coa colaboración da Xunta de Galicia a través do programa “Cultura no Camiño”. Este mesmo día a partir das 22:00 h. haberá un concerto a cargo de “Ardentía” na Praza de España, actividade con aforo limitado que conta coa colaboración da Deputación Provincial a través do Plan Provincial Único.

Para o domingo, día 9, está programada ás 11:00 h. unha alborada coa Unión Musical Val Miñor e concerto as 13:00 h. diante da Casa do Concello. Esta actividade conta coa colaboración da Deputación Provincial a través do Plan Provincial Único. Este mesmo día a partir das 12:00 h a Área de Deportes  organiza o Día da Bicicleta. Concentración de participantes na Praza España, 9 quilómetros de percorrido e sorteo dunha bicicleta entre os inscritos.

E xa o luns, día 10, terá lugar a XXIX Mostra do Mel de Quiroga. Os 4 postos de venda de mel de colleiteiros do val situaranse no recinto que se habilitará na Rúa Real e xunto a eles outros postos de artesanía e produtos da zona. A xornada estará amenizada pola charanga BB+ e os postos contarán coas medidas sanitarias necesarias para atender ao público con total seguridade.

ÚLTIMAS

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...