IniciosociedadeDous hospitalizados en Monforte por Covid19

Dous hospitalizados en Monforte por Covid19

Dos 4 hospitalizados por coronavirus na provincia de Lugo, dous están no hospital monfortino.

Publicado o

POR
Redacción
- Advertisement -

Despois de máis de 3 meses e medio volve o coronavirus ao Hospital de Monforte. Este venres ingresaba unha muller de 60 anos, caso activo do foco do Saviñao, que non presenta síntomas graves. E a última hora de onte facíao un familiar seu, resultado do mesmo foco. As outras dúas persoas ingresadas na provincia por coronavirus atópanse no HULA e no hospital da Mariña. Como consecuencia do foco do Saviñao tamén volveu a Covid 19 ás residencias de maiores, cun caso que afecta a un traballador da residencia de Paradela.

Suben os casos na provincia ao pasar de 72 a 79 e dispáranse en Galicia ata situarse en 533, o que supón un aumento de 89 con respecto ás cifras deste venres. O país rexistra, deste xeito, o seu décimo sexto día consecutivo de aumentos. Un incremento que tamén se rexistra en Lugo, a pesar de varios días de descensos.

Ademais Galicia rexistrou este venres o primeiro falecemento dunha paciente con COVID-19 en case dous meses –o anterior produciuse o 10 de xuño–, o dunha muller de 91 anos que estaba ingresada en Ourense, o que eleva o total de mortos a 620.

As cifras soben en todas as áreas sanitarias e, do total de casos activos, 81 corresponden á de Vigo –tres máis que o venres–; 79, á de Lugo –sete máis–; 44, á de Pontevedra –un máis–; 40, á de Santiago –cinco máis–; 37, á de Ourense –tres máis–; e seis, á de Ferrol –uno máis–.

ÚLTIMAS

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...