IniciosociedadeO centro de saúde de Chantada mellora a súa eficiencia enerxética

O centro de saúde de Chantada mellora a súa eficiencia enerxética

A Xunta de Galicia investirá 240.000 euros na mellora da eficiencia enerxética de cinco centros de saúde da provincia, implantando caldeiras de biomasa nos centros de Navia, Ourol, A Pontenova e Chantada, que na actualidade utilizan propano, e no da Pastoriza, que consume gasóleo.

Publicado o

POR
Redadacción
- Advertisement -

Esta medida é froito dun acordo marco subscrito entre a Consellería de Economía, Emprego e Industria e a de Sanidade, para impulsar o desenvolvemento de proxectos de enerxías renovables nos centros de saúde, logrando edificios máis respectuosos co medio ambiente e sustentables.

No conxunto de Galicia actuarase sobre 28 centros, cun orzamento de 1,5M€, dos que 1,2 serán financiados polo Inega. Este acordo enmárcase nos proxectos de enerxías renovables que a Xunta está impulsando en edificios da administración pública autonómica. Ademais destes proxectos tamén se convocan axudas dirixidas a familias, empresas e entidades locais e sen ánimo de lucro.

Neste sentido, destaca a Estratexia da biomasa posta en marcha no ano 2014, co obxectivo de promover o uso deste recurso limpo, autóctono e renovable co que se conseguen aforros de ata o 60% con respecto a outras fontes de enerxía como o gasóleo, ademais de poñer en valor o monte galego, favorecendo a xestión forestal. Esta Estratexia xa ten permitido, no período 2014-2019, apoiar a instalación de 7000 caldeiras con aforros de 14M€ anuais.

ÚLTIMAS

A A.V. do Saviñao pide aumentar as prazas de taxi

A Asociación Veciñal do Saviñao dirixiuse á Alcaldía do Saviñao coa finalidade de trasmitir...

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...