O alcalde de O Saviñao, Carlos Armesto, supervisou as obras de mellora das traídas de auga que a entidade local está a levar a cabo nas parroquias de Marrube e Vilasatán. As obras van a bo ritmo e estarán rematadas en outubro. “É dicir, a partires dese mes, os veciños destes lugares contarán cun novo sistema de abastecemento”, precisa Armesto con satisfacción.
Trátase dun investimento importante, que garante que as máis 160 persoas que residen nestes dous lugares dispoñan, sen excepción, dun subministro óptimo e de calidade. Ademais, os veciños disporán dunha arqueta cunha chave de paso para o control do consumo.
Con esta actuación, o goberno local dá un paso máis para dar cumprimento ao seu programa electoral, pois este era un dos compromisos cos que Carlos Armesto se presentou á alcaldía e que estará culminado proximamente.