Alxibeiras personalizadas para os alumnos do Incio escolarizados en Oural

O Concello do Incio vén de facerlle entrega ao alumnado da localidade escolarizado no CEIP Antonio Fernández López de Oural de alxibeiras personalizadas co nome de cada un dos nenas e nenas. O mesmo agasallo que lles foi entregado aos nenos e nenas do CEIP Ricardo Gasset do Incio ao inicio do curso escolar.

Alxibeiras colexio Oural / concello do Incio

O alcalde do Concello do Incio, Héctor Corujo, foi o encargado de entregárllelas este xoves, 15 de outubro, aos responsables do centro e da ANPA, que recibiron un total de 20 bolsiñas personalizadas cos seus nomes.

Ademais das alxibeiras que o Concello do Incio financia para os vinte nenos e nenas da localidade, o CEIP de Oural en colaboración coa ANPA fará entrega tamén deste agasallo ao resto do alumnado do centro.

O Concello do Incio pretende con este agasallo facilitar o período de adaptación ao alumnado con este material no que cada neno pode gardar as súas pertenzas. A maiores, incorpora unha bolsiña na que poden gardar as máscaras cando o precisen.

DEIXAR UN COMENTARIO

Please enter your comment!
Please enter your name here