O Saviñao instala tres cubrecolectores nas zonas da Cova e Fión

No obradoiro de emprego Ricra III, co que se executou esta obra, contratáronse un total de 20 persoas, que prestaron o seu servizo na especialidade de carpinteiría e na sociosanitaria.

Cubrecolector O Saviñao / concello do Saviñao

O alcalde do Concello do Saviñao, Carlos Armesto, informa de que veñen de instalar tres cubrecolectores nas zonas da Cova e Fión co obradoiro de emprego da Xunta de Galicia Ricra III. Trátase de tres estruturas de madeira, que foron executadas no marco desta iniciativa, compartida cos Concellos de Sober e Pantón.

As persoas contratadas no RicraIII prestaron o seu servizo en tres especialidades: atención sociosanitaria a persoas dependentes en institucións sociais, aplicación de vernices e lacas en elementos de carpintaría e, por último, moble e traballos de carpintaría. Foi precisamente, nestas últimas modalidades nas que se incluíron os cubrecolectores do Saviñao.

Dentro deste obradoiro tamén se elaborou outro tipo de mobiliario urbano, como varandas de madeira, estanterías, armarios ou bancos. Ademais, na modalidade sociosanitaria, os beneficiarios tamén realizaron labores na residencia Nuestra Señora del Carmen, en Sober, e no centro de día de Pantón.

DEIXAR UN COMENTARIO

Please enter your comment!
Please enter your name here