5 hospitalizados en Monforte mentres Tomé demanda máis información da Xunta

A provincia conta con 691 caos activos, 18 máis ca onte. Hai 2 persoas na UCI do Hula e 30 hospitalizados, 5 deles no Hospital Comarcal de Monforte dos que 2 corresponden á residencia de Bóveda. En Monforte o alcalde, José Tomé, quéixase da falta de información da Xunta.

Hospital de Monforte. Foto cedida.

O alcalde de Monforte e presidente da Deputación de Lugo, José Tomé, queixábase este martes, 27 de outubro, da falta de información que os concellos teñen por parte da Xunta para tomar medidas en función da súa situación coa Covid19. “O gromo de Monforte segue medrando, segundo os datos de onte había entre 25 e 30 positivos con varias persoas hospitalizadas e algunha alta tamén, pero os datos de hoxe non os teño. Non temos información, iso é o que demandamos, queremos saber o que ocurre non nos nosos concellos, para tamén tentar colaborar e tomar medidas dentro das nosas posilidades, aínda que tamén a quen lle compete é á Xunta,” afirma Tomé.

Continúa Tomé, “Feijóo cando había o mando único reclamaba para si as competencias, agora xa as ten, que as exerza e comparta a información cos demais. Está ben que pida información pero debe derivala a concellos e deputacións e iso é o que non está facendo, de momento.”

Tamén este martes á entrada do Pleno da Deputación, a Vicepresidenta, Maite Ferreiro, explicaba que “para poder tomar medidas, os concellos deben ser un os primeiros en saber como é a situación sanitaria. Estamos afeitos a que a Xunta oculte datos e non dea a información axeitada. Ademais tampouco asume as súas responsabilidades, o Señor Feijóo só sabe criticar cando as decisións as toman outros pero non propor alternativas”

DEIXAR UN COMENTARIO

Please enter your comment!
Please enter your name here