IniciosociedadeA Deputación destina 180.000 euros a dúas estradas provinciais de Chantada

A Deputación destina 180.000 euros a dúas estradas provinciais de Chantada

O Presidente supervisou a construción dun muro de contención na LU-P-1804 á altura do pobo de Belesar, que garante que a calzada non se volva a afundir; e as obras de pavimentación con aglomerado da LU-P-1802, que une o centro de Chantada co encoro de Belesar pasando por Sabadelle

Publicado o

POR
Redacción
- Advertisement -

A Deputación investiu 140.000€ na reparación da LU-P-1804, que vai de Belesar a Chantada por San Pedro de Líncora, afectada á altura do quilómetro 6 por un desprendemento de terra a mediados do mes de agosto.  

Esta estrada tivo que ser cortada ao tráfico á altura do punto quilométrico 6, no pobo de Belesar, enfronte do embarcadoiro da Deputación, para garantir a seguridade dos vehículos logo de producirse un desprendemento de terra e o afundimento de parte da calzada. 

A principios de setembro, e tras realizar un estudio xeotécnico e un cálculo estrutural do terreo, a Deputación comezou coas obras de arranxo da vía, colocando unha pantalla de micropilotes para poder soster o terreo existente e a continuación escavar unha plataforma de traballo. Logo, executou un muro de mampostería para proceder á reconstrución da estrada e facer o recheo pertinente. Despois pavimentouse o treito con aglomerado en quente e repintouse a sinalización horizontal. 

Outro dos proxectos que José Tomé supervisou este martes consiste na rehabilitación do firme dun treito da LU-P-1802, que conecta o centro da localidade chantadina co encoro de Belesar pasando por Sabadelle. As obras teñen lugar dende os puntos quilométricos 5 ao 6,050, e inclúen a reapertura de cunetas, a pavimentación con aglomerado en quente e o repintado da sinalización horizontal. Estes traballos contan cun investimento de 34.200€ e estarán rematadas nuns días, sempre que as condicións meteorolóxicas o permitan.

Deputación estrada provincial Chantada / Deputación Provincial

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...