A conselleira felicitou ao Concello do Páramo por ser o primeiro en dar este paso para conseguir “un crecemento ordenado do municipio” e por “apostar por un urbanismo responsable”.
O Páramo abre unha lista de nove concellos galegos que dispoñerán de “ese instrumento de ordenación” urbanística recollido pola Lei do Solo para municipios con menos de 5.000 habitantes, dado que nos próximos meses outros oito aprobarán o seu propio plan básico: Ribeira de Piquín, Riotorto, Trabada, Triacastela, Cartelle, Pradenda, Porqueira e San Xoán de Río.
Ángeles Vázquez explicou que o plan básico municipal é “unha ferramenta pensada para os municipios de menos de 5.000 habitantes, que carecen dun plan xeral”, para que dispoñan “dun instrumento” para dar resposta ao desenvolvemento elemental “dunha certa actividade urbanística”, pero sen “establecer criterios de crecemento urbano”.
Así, os concellos dispoñerán dunha ordenación básica, que estará en vigor ata que a situación aconselle a redacción dun plan xeral de ordenación municipal. Para dispoñer dunha “guía de orientación” e motivar aos concellos para sumarse a esta iniciativa, a Xunta asumiu directamente a redacción do primeiro plan básico municipal, o do Páramo, e colabora técnica e economicamente cos outros oito que o están tramitando.