Esta é a recomendación que fai o alcalde de Quiroga, Julio Álvarez, tras coñecerse a complicada situación que está vivindo este días Quiroga. O Sergas informou esta mañá que o concello ten nestes momentos dezasete casos positivos de Covid-19. Mentres séguense a facer probas PCR a todos aqueles contactos directos con estes positivos, para detectar posibles novos casos.
O concello pecha, por cautela, o Centro de Día, a Unidade de Atención Temperá, todas as actividades da Casa da Cultura e os ximnasios. Estes peches únense ás instalacións deportivas, aos parques infantís e ás instalacións do Centro Social que se pecharon xa a pasada semana.
Tamén se intensificaron as medidas de desinfección tanto cun tractor con pulverizador que recorre as rúas da vila e dos demais núcleos de poboación, como manualmente, naquelas entradas de edificios máis concorridas.
Como medida preventiva, todos os traballadores municipais someteranse a probas PCR, aínda que polo momento non se detectou ningún caso en ningún departamento.