Ante unhas cifras que xa veñen preocupando dende fai días o alcalde de Quiroga, Julio Alvarez, púxose en contacto cos responsables sanitarios da provincia a primeira hora desta mañá co fin de solicitarlles que “tomen medidas para tentar parar este alarmante incremento de casos”.
O rexedor local solicita un cribado masivo da poboación de Quiroga, que considera se debería facer extensivo a Ribas de Sil. O alcalde pide tamén que se apliquen medidas restritivas de mobilidade cidadá e se pechen os centros educativos. Julio Álvarez ofrece todos os medios dispoñibles e ponse a disposición como enfermeiro.
Os responsables sanitarios estudarán as peticións en canto a mobilidade, pero o peche dos centros educativos corresponde á Consellería de Educación. Entre tanto o alcalde pide á veciñanza que se autoconfine na medidas sas súas posibilidades, mentres continúa a desinfección de rúas e a desinfección manual das entradas e saídas de edificios.