Quiroga data a Feira do Viño para o 24 e 25 de xullo

O 24 e 25 de xullo é a data escollida pola comisión de traballo para celebrar a Feira do Viño de Quiroga. Todo apunta a que dada a situación sanitaria, este ano tampouco se celebrará esta cita festiva en Semana Santa, pero aínda así agárdase celebrar actividades especiais.

Feira do Viño Quiroga prepandemia. Foto cedida Concello de Quiroga

A nova edición que se celebre da feira do viño marcará un antes e un despois neste evento festivo, posto que como xa se decidiu o pasado ano, a partir de agora estará aberta non só a pequenos viticultores se non tamén ás adegas industriais da subzona Quiroga-Bibei, á que pertence Quiroga. Por primeira vez xuntaranse na Feira do Viño de Quiroga, os caldos elaborados de maneira tradicional cos elaborados de forma industrial.

A comisión organizadora non quere que a data do 3 e 4 de abril (Semana Santa) pase desapercibida polo que está a traballar en actividades alternativas.

A deste ano será unha homenaxe a todos os adegueiros artesanais q,ue pasaron por esta feira nestas 39 edicións. A publicación dunha revista conmemorativa e unha exposición coas botellas que acudiron a estes certames serán algunhas das actividades que se levarán a cabo durante a Semana Santa.

DEIXAR UN COMENTARIO

Please enter your comment!
Please enter your name here