Darío Piñeiro asegura o que o concello está elaborando un paquete de axudas consensuadas cos sectores afectados, encamiñadas a reactivar ao comercio local, aos autónomos, as empresas e as familias de Láncara.
O alcalde insiste en que “o Concello de Láncara segue a disposición de todos as veciñas e veciños para axudar, dentro das nosas posibilidades, a saír adiante nesta situación tan excepcional que estamos vivindo por mor do coronavirus”. E proseguiu “seguimos traballando para que ninguén quede atrás nesta situación, e o Concello de Láncara ten as portas abertas para todos os colectivos e entidades sen excepción, que precisen da nosa axuda”, remarcou.
Feira da carne de Tenreira
O rexedor tamén aludiu á celebración da Feira de carne Tenreira Galega, declarada de interés turístico de Galicia, que se celebra cada 1 de Maio. “Este ano, non poderemos desfrutar da feira tal e como a tiñamos concibida, como facíamos noutras edicións por mor da pandemia, pero quero anunciar que dende o Concello estamos elaborando unha serie de propostas alternativas para que a Feira segue sendo a protagonista da nosa historia. Celebraremos a feira, doutro xeito, e cumprindo estritamente as normas sanitarias”, dixo.