IniciosociedadeCCOO denuncia o "afán recaudatorio" do concello de Monforte coas probas para...

CCOO denuncia o “afán recaudatorio” do concello de Monforte coas probas para Policía Local

Comisións Obreiras insta ao Concello de Monforte a cambiar a data das probas de acceso ás 3 prazas de Policía Local convocadas para o día 26 de febreiro. O sindicato asegura ter recibido moitas queixas de afiliados porque as probas coinciden coas convocadas pola Academia Galega de Seguridade Pública na Estrada.

Publicado o

POR
Redacción
- Advertisement -

O sindicato presenta unha queixa formal ante a FEGAMP na que fai constar que “non é so unha cuestión de legalidade senón de ética e sensibilidade, xa que, os 301 aspirantes inscritos no proceso terán que optar por presentarse a unha ou outra. A gran maioría dos aspirantes optarán por presentarse á convocatoria unitaria de 94 prazas fronte a 3, a elección está clara.”

Pregúntanse desde CCOO que intereses pode haber en eliminar da convocatoria a 280 aspirantes que están inscritos nos dous procesos selectivos?

CCOO afirma que o Concello non debería entorpecer e poñer dificultades no acceso ao emprego público daquelas persoas que fan un esforzo persoal, económico e familiar para preparar unha oposición pagando os correspondentes dereitos de exame. Neste senso o sindicato censura “o afán recaudatorio do Concello e que xogue co esforzo e as ilusións da xente.”

CCOO solicita ao Concello que de persistir a intención de convocatoria das probas o mesmo día que as da AGASP, se lle devolva aos aspirantes que acrediten terse presentado ás probas unitarias o importe da taxas por dereitos de exame. “Case 6.000 euros recadados polo Concello en concepto de dereitos e exame, a razón de 18,87 € aspirante,” aseguran.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...