Reparto de máscaras en Chantada e Monforte

Este luns, 22 de febreiro comeza o reparto de máscaras en Monforte e Chantada; mentres na área sanitaria seguen descendendo os casos activos e contabilízanse 795 (43 menos que onte).

Chantada desescalada / XdL

O concello de Monforte fai un reparto masivo de 190.000 máscaras que entrega no Edificio Multiusos. Pola súa banda o concello de Chantada comeza este luns un reparto de máscaras que se prolongará ata mediados de marzo. O reparto faise na entrada do edificio de servizos sociais de luns a venres en horario de 8.30 a 14.30.

En Chantada, a entrega de máscaras faise ás persoas empadroadas no concello que teñen máis de 14 anos e que deben de presentar o seu DNI. Entregaranse sete máscaras por persoa, dúas FFP2 e cinco cirúrxicas. En caso de non poder acudir, pode recoller as máscaras outra persoa co DNI que corresponda. Para máis información pode contactarse co teléfono 982 46 22 99.

Mentres na área sanitaria dende o pasado venres, 19 de febreiro non varía a cifra de pacientes en UCI (21) e tampouco a de falecidos (198). Os casos activos de coronavirus seguen en descenso en Galicia e sitúanse en 8.066, o que supón 550 menos que os rexistrados ata a xornada anterior. En concreto, redúcense nas sete áreas sanitarias galegas, das que tres se manteñen por encima do milleiro: A Coruña e Cee, con 2.647; Vigo, con 1.261; e Pontevedra e O Salnés, con 1.078; mentres que a de Santiago e Barbanza conta con 869; a de Ferrol, con 838; a de Lugo, con 795; e a de Ourense, con 578. Toda a información no Galicia Confidencial.

DEIXAR UN COMENTARIO

Please enter your comment!
Please enter your name here