Iniciosociedade"Lembranzas" da Feira do Viño de Quiroga

“Lembranzas” da Feira do Viño de Quiroga

“Lembranzas” serán os días 3 e 4 de abril para Quiroga. Unhas datas adicadas á Feira do Viño que este ano non poderá celebrarse en Semana Santa, fixándose o 24 e 25 de xullo para a celebración, se as condicións sanitarias o permiten.

Publicado o

POR
Redacción
- Advertisement -

Nestes días de lembranza non faltarán actividades que recorden a festa máis importante dos quirogueses. Contarase con dúas exposicións, unha delas homenaxe aos adegueiros que pasaron polas feiras do viño de Quiroga. Baixo o nome de 40 anos da Feira do Viño de Quiroga poderase ver unha importante colección de botellas dos viños que acudiron a estes certames e os carteis anunciadores de cada edición.

A outra exposición que se poderá ver, nesta ocasión na sala de exposicións da Casa da Cultura, é “O fin do Camiño”. Dez grandes paneis que reflicten a visión humana e monumental dos camiños a Compostela.

O sábado, día 3 de abril, o grupo de gaitas local O Recanto fará unha alborada ás doce e media do mediodía e pola tarde, a partir das seis, a charanga BB+ recorrerá as rúas da vila. O domingo, día 4, a unha da tarde  farase entrega dos premios do concurso de debuxo infantil “Feira do Viño”. Nesta xornada tampouco faltará a música. A unha e media da Banda de Música Val Miñor dará un concerto diante do concello, previamente fará unha alborada. A partir das seis da tarde, o grupo Troula Animación, presenta o seu espectáculo de animación de rúa, “O estraño caso do dentista da rúa Brasov”.

ÚLTIMAS

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...

6 empresas locais constrúen novas naves no Polígono dos Acivros, en Chantada

O alcalde de Chantada, Manuel Lorenzo Varela, vén de visitar o Polígono dos Acivros...