Iniciosociedade"Sober é Qalidade" humaniza a súa rede de miradoiros

“Sober é Qalidade” humaniza a súa rede de miradoiros

O Concello de Sober vén de presentar o proxecto ‘Sober é Qalidade’ co obxectivo de promover a súa rede de miradoiros, que a finais de 2020 foi distinguida pola Instituto para a Calidade Turística de España como Espazo Público Singular. Trátase dun recoñecemento que só teñen cinco espazos en España.

Publicado o

POR
Redacción
- Advertisement -

O proxecto “Sober é Qalidade” quere amosar o turismo de calidade dunha maneira próxima e humana a través dos profesionais de diferentes sectores que desenvolven a súa actividade no Concello. Ao longo dos próximos meses, os dez miradoiros de Sober serán os protagonistas a través da visita dos profesionais dos establecementos turísticos, restauradores, viticultores, guías, oleiros, empresarios, “para dar conta da beleza e singularidade do noso patrimonio,” sinalan desde o Goberno local. 

Nas redes sociais do Concello de Sober irase presentando unha paisaxe humanizada a través das súas xentes ao tempo que se irá dando a coñecer a oferta turística do municipio para atraer novos visitantes. 

A maiores, faranse actividades promocionais para todos os públicos, como concertos, cursos de iniciación á fotografía, cursos de pintura ao aire libre, cursos de cata, observación de estrelas e de aves, xornada de lectura interpretada, así como unha xornada de portas abertas á igrexa de San Xoán de Lobios para contemplar os seus murais.

Os nenos tamén terán o seu espazo nesta programación con cursos de pintura, contacontos, e visita ás pinturas murais de Lobios, entre outros. A proposta completarase con publicacións específicas de cada miradoiro, así como cunha guía de rutas turísticas.

O alcalde, Luis Fernández Guitián, explica que “imos promocionar os nosos miradoiros, atraer turistas e mellorar a sinalización e accesos, ao mesmo tempo que damos a coñecer a través dos nosos profesionais a enorme oferta cultural, gastronómica e turística que temos en Sober”.

ÚLTIMAS

A A.V. do Saviñao pide aumentar as prazas de taxi

A Asociación Veciñal do Saviñao dirixiuse á Alcaldía do Saviñao coa finalidade de trasmitir...

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...