IniciosociedadeFalta de coordinación e mal estado da pista de Doade no incendio...

Falta de coordinación e mal estado da pista de Doade no incendio do 31 de marzo en Marcelle?

O 31 de marzo produciuse un incendio forestal na parroquia monfortina de Marcelle, que queimou algunhas hectárenas de piñeiral en Doade. O lume iniciouse pouco antes das dúas da tarde e foi estabilizado cara as sete e media dese mesmo día, téndose queimado unhas trinta hectáreas.

Publicado o

POR
Redacción
- Advertisement -

O Grupo Municipal de Agroma Sober presenta un rogo ante o Pleno do concello en relación ao incendio de Doade que se iniciaba en Marcelle o pasado 31 de marzo.

Na nota de prensa sobre o incendio, a Consellería de Medio Rural informa que traballaron nas tarefas de extinción “1 técnico, 3 axentes, 7 brigadas, 3 motobombas, 4 helicópteros e 4 avións”, pero desde Agroma Sober sinalan que na maior parte da tarde no incendio non había tantos medios nin coordinación.

Lembran que, tal como recoñece a propia Consellería, “durante as tarefas de extinción, un avión de carga en terra sufriu un rebentón nunha roda mentres se dispoñía a respostar auga na base de Doade”. Feito que impediu que este avión estivera operativo e inutilizou a pista de Doade, ao non haber medios para apartalo e arranxalo noutro sitio, deixando a pista libre.

Desde Agroma Sober insisten en que os rebentóns de rodas dunha nave na pista da base contraincendios de Doade suceden máis habitualente do que deberan ao ter un tramo sen asfaltar. “Tendo dúas bases contraincendios ben perto, a de Doade e a do Marroxo, resulta desesperante que, segundo nos refiren testemuñas, tardaran en chegar medios, avanzando moi rápido o lume, tanto que chegou á trintena de hectáreas,” lamentan desde Agroma Sober.

Consideran que o Concello de Sober debe esixir á Consellería de Medio Rural unha aclaración sobre os detalles do dispositivo neste incendio declarado na parroquia de Marcelle o 31 de marzo de 2021 e que urxa a poñer a pista de Doade coas mellores condicións e medios para afrontar os incendios. Demandas que plantexan nun rogo.

ÚLTIMAS

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...