Garantido o transporte escolar para os alumnos do CPI de Láncara depois do corte da ponte de Valdriz

As obras que a Xunta desenvolve na ponte de Valdriz, no municipio de Láncara, fixeron necesario na segunda fase, o peche ao tráfico neste treito da LU-621. Ante este corte que se prevé se prolongue por catro meses, a Xefatura Territorial de Infraestruturas e Mobilidade comezou a pasada semana a estudar varias rutas alternativas para garantir o servizo de transporte escolar dos alumnos do CPI Ramón Piñeiro, de Láncara.

CPI Ramón Piñeiro / Facebook CPI Ramón Piñeiro

O corte da ponte afecta a dúas rutas, que manterán as mesmas paradas pero que tamén circularán por outras vías o que implicará un incremento do tempo da viaxe entre 5 e 15 minutos. En calquera caso, o transporte escolar quedará garantido para os usuarios, que só se verán afectados por mínimos cambios de horario. 

Desde a Xefatura Territorial informouse destas variacións para que o propio CIP Ramón Piñeiro e a Consellería de Cultura, Educación e Universidade comunique aos pais e nais dos estudantes os novos horarios, tanto no propio centro como a través da plataforma Abalar. 

O degado da Xunta en Lugo, Javier Arias, sinalou que “desde a Xunta somos conscientes das molestias que suporá o corte desta ponte durante os catro meses que durarán as obras, pero destacou que esta actuación suporá maior seguridade para o tráfico rodado nesta zona, grazas ao ensanche da ponte, á construción dunha rotonda que xestionará a circulación da LU-621, e á breve rectificación do trazado para que a entrada á ponte sexa tamén máis segura. Igualmente, o proxecto contempla a creación dunha senda peonil desde o último tramo de beirarrúas da Pobra de San Xillao ata a nova rotonda de acceso a Valdriz que se vai construír.”

DEIXAR UN COMENTARIO

Please enter your comment!
Please enter your name here