Juan Carlos Fernández Pulpeiro, que foi xefe de protocolo da Deputación de Lugo desde 1981, deu unha conferencia ós alumnos de 1º curso dos ciclos superiores de Asistencia á Dirección e Administración e Finanzas do IES A Pinguela de Monforte de Lemos.
Baixo o título “Saber ser, saber vivir”,ilustrou ós estudantes sobre eses usos e normas de utilidade social e a súa traxectoria histórica que recolle nun dos seus libros, “Civilidade”, publicado polo organismo provincial de Lugo hai xa 16 anos.
Esta materia proporciona habilidades fundamentais de tratamento e comportamento para a atención ao cliente e a organización de eventos.
Juan Carlos Fernández Pulpeiro é xornalista e membro fundador da Asociación Galega para Técnicos de Protocolo e Relacións Públicas e Institucionais.