A secretaría de acción sindical de CCOO valora positivamente a diminución do paro no mes de abril, como consecuencia da Semana Santa no sector da hostalería. Na comarca de Lemos, o número de parados sitúase en 1.726, baixando en 86 persoas; na comarca de Quiroga 248, baixando en 9; na de Chantada 665, baixando en 54 e na de Sarria 1.118, baixando en 72.
O sindicato considera que os concellos deben de axudar máis ao sector hostaleiro por ser o máis castigado durante a pandemia, un sector sensible que cando se mellora reduce o paro como ven de acontecer. Instan aos alcaldes a eximir das taxas aos hostaleiros cara a tempada de verán.
Consideran tamén que a Xunta debe acelerar as axudas directas a este sector, “ou do contrario son moitos os traballadores que non sairán dos ertes nestes concellos.” Na actualidade son uns 460 os afectados nestas comarcas.
A situación do paro por concellos nesta zona foi a seguinte, con baixada do paro en todos os concellos, agás no Saviñao que se incrementou en 4: Bóveda 54 (-1), Monforte 1.237 (-70), Pantón 103 (-9), A Pobra do Brollón 68 (-5), O Saviñao 159 (+4), Sober 105 (-5), Folgoso do Courel 37 (-2), Ribas de Sil 39 (-4), Quiroga 172 (-3), Carballedo 75 (-5), Taboada 97 (-9), Chantada 493 (-40), Sarria 814 (-14), Paradela 42 (-4), Láncara 110 (-12), O Incio 47 (-3), O Paramo 39 (-4), Samos 39 (-2), Tracastela 27 (-2). Segundo o sindicato, turismo, hostalería e comercio son as “pitas dos ovos de ouro” de toda a Ribeira Sacra