InicioComarca de QuirogaQuirogaA cofraría do viño de Quiroga desfilará o 17 de xullo

A cofraría do viño de Quiroga desfilará o 17 de xullo

A Confraría do Viño de Quiroga participará un ano máis nos actos da Feira do Viño. Ademais de estar presentes nos actos de inauguración da feira o día 24, os membros desta Confraría desfilarán como é tradicional pola rúa Real unha semana antes desta festa.

Publicado o

POR
Redacción
- Advertisement -

O día 17 ás doce e media do mediodía, os confrades, ataviados co seu traxe de gala (capa e sombreiro) recorrerán a travesía principal da vila quiroguesa, dende a Casa Consistorial ata o Auditorio Municipal.

Este solemne acto forma parte da Feira do Viño de Quiroga dende o ano 2012, ano no que se fundou esta congregación, que conta dende entón con 23 membros. O número de membros é invariable, soamente se renovan cando queda algunha vacante, como ocorreu no ano 2019 cando entrou a formar parte desta institución a primeira muller confrade. 

O que este ano non realizará esta irmandade será a cata dos viños participantes na feira. O presidente da Confraría, José Manuel Rodríguez, non considera que nesta edición sexa necesario, “posto que as adegas que participarán son todas adegas industriais”. O cometido dos confrades na cata dos viños era detectar calquera problema de cor, sabor ou olor que puidesen presentar as mostras dos viños artesanais que estaban inscritos para a feira, que previamente xa pasaran análises nun laboratorio.

Como remate do desfile, xa a porta pechada, os membros do gremio realizarán unha xunta xeral anual na que este ano -segundo o seu presidente- haberá moitos puntos a tratar posto que o pasado ano, por mor da pandemia, non se celebrou. Un dos puntos que se poñerán riba da mesa será o de fixar a data para renovar a xunta directiva.

ÚLTIMAS

Asemblea xeral da Asociación de Municipios do Camiño de Inverno en Chantada

A Asociación de Municipios do Camiño de Inverno reuniuse este mércores pola mañá na...

O PP de Monforte culpa a Tomé e aos seus “caprichos persoais” da marcha do CRAEGA de Monforte

Antonio Ameijide e Katy Varela consideran que José Tomé despois de ver como o...

Monforte mantén viva a tradición dos maios

O Concello de Monforte de Lemos celebrará unha nova edición do tradicional concurso de...

Campionato de España de Taekwondo, o 4 de maio no Pavillón da Pinguela de Monforte

O Alcalde de Monforte, José Tomé Roca, acompañado polo técnico de Deportes do Concello,...