IniciosociedadeQuiroga suspende a Feira do Viño para evitar que poida ser un...

Quiroga suspende a Feira do Viño para evitar que poida ser un foco de contaminación

Seguindo os consellos do Comité de Expertos de Galicia o Concello de Quiroga non celebrará esta fin de semana a Feira do Viño. Agardouse practicamente ata o último minuto para saber a situación sanitaria antes de tomar unha decisión.

Publicado o

POR
Redacción
- Advertisement -

Mantivéronse xuntanzas coa Confraría do Viño, co Comité Organizador, coa Xunta de Seguridade Local (na que estivo presente a Subdelegada do Goberno, Isabel Rodríguez) e cos hostaleiros da vila antes de cancelar  a parte de maior concentración de xente. Todos eles estiveron de acordo en non levar a cabo a parte da feira que concentra maior número de persoas: as casetas de venda de viño e o pregón. Obviamente tamén se cancela o concurso de camisetas por ir aparellado a estas dúas actividades.

O alcalde de Quiroga, Julio Álvarez, que informou persoalmente aos portavoces da oposición, confirmou que “a decisión tomouse pensando na hostalaría, e aínda que o municipio quirogués atópase cunha incidencia moi baixa en canto ao número de casos positivos de Covid (incidencia acumulada nos últimos sete días >10), quérese evitar que a feira poida ser un foco de contaminación, proliferación ou diseminación da pandemia”.

Si se manterá é a parte máis cultural da feira. O  concerto da banda de música Santádega, o espectáculo de animación infantil “Ramona Órbita, a dona do tempo” a cargo do grupo Pakolas e as actuacións de Festicultores Troupe e da Charanga Louband completarán un programa de actos de dous días  marcado por unhas condicións sanitarias e unhas normas de obrigado cumprimento.

A exposición das botellas dos caldos que acudiron á maioría das feiras do viño, acompañadas dos carteis anunciadores, que se presentaba na pasada Semana Santa como lembranza da data na que se tiña que celebrar a feira servindo de homenaxe aos adegueiros que pasaron polas feiras do viño de Quiroga, poderá verse novamente na entrada do Auditorio Municipal. 

ÚLTIMAS

Últimos días para coñecer a exposición Entroido “Mobiliario Vestido”, na casa da cultura de Chantada

A casa da cultura do Concello de Chantada acolle ata o 30 deste mes...

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...