Segundo a veciñanza, o concello de Samos deixou de cumprir as súas funcións con respecto ó mantemento e limpeza adecuada da estrada que comeza no km19,200 da LU -P – 5601. “Deixando este de cumprir as súas funcións, As dififultades que temos van desde o abandono do firme da mesma, pasando pola limpeza da maleza ou da neve no inverno (xa que é unha aldea a 1200m de altitude)”, aseguran.
As carencias foran trasladadas ao alcalde en xaneiro deste ano e aseguran que constestou de maneira informal que non faría nada ao respecto. “A maiores dos destrozos dos vehiculos, xa que houbo varias saídas de vía por ese motivo, 8 rebentóns e demais avarías. Sentímonos desprotexidos e abandonados e rogamos que este órgano nos axude,” conclúe a veciñanza afectada.