Visitas guiadas á xudaría de Monforte o 19 de setembro

O Concello de Monforte continúa este mes de setembro coas actividades arredor da Xornada Europea da Cultura Xudea-Diálogos. O vindeiro domingo 19 de setembro haberá dúas visitas comentadas á zona de ámbito xudeu de Monforte, con saída dende a Oficina Municipal de Turismo (rúa do Comercio 6) ás 11:30 e ás 18:00 h.

Xudaría Monforte / Concello de Monforte

As visitas  correrán a cargo do investigador monfortino, Felipe Aira, sendo estas gratuítas e cunha duración de hora e media. As prazas para realizar as visitas son limitadas, polo que será preciso inscribirse previamente na Oficina Municipal de Turismo.

A temática da Xornada Europea da Cultura Xudea proposta pola Red de Juderías para este ano 2021 xira arredor da palabra “Diálogo”, a través da cal propón difundir e promover narrativas positivas que resalten a contribución dos xudeus europeos a unha Europa máis plural e inclusiva.

A Xornada Europea da Cultura 2021 celebrará este ano una das súas edicións máis ambiciosas baixo o paraugas do proxecto NOA (Networking Overcoming Antisemitism), asociación de redes que ten por obxectivo combater o antisemitismo en Europa mediante a avaliación das políticas dos estados membros da UE en diversas áreas, desde a educación ata a cultura e a seguridade, co fin de axudarlles a desenvolver plans de acción integrais para abordar e previr o antisemitismo.

DEIXAR UN COMENTARIO

Please enter your comment!
Please enter your name here