O curso desenvolverase do 18 ao 25 de outubro para a obtención do carné básico. Terá lugar na sede do Consello Regulador da Denominación de Orixe Ribeira Sacra (en Monforte de Lemos). A actividade cunha duración total de 27 horas impartirase en horario de tarde, de 16:00 a 21:00 horas. Trátase dun curso ponte que permitirá aos participantes completar a súa formación para adquirir o carné de nivel cualificado.
Abordaranse conceptos como as pragas dos cultivos e os seus métodos de control, a limpeza, regulación e calibración dos equipos de limpeza ou a eliminación dos envases baleiros. Así mesmo, trataranse cuestións como a relación traballo-saúde normativa sobre prevención de riscos laborais e as medidas para reducir os riscos neste eido.
Estes cursos están dirixidos principalmente a calquera persoa vinculada profesionalmente cos sectores produtivos relacionados coa agricultura, gandaría, industria agroalimentaria e cadea forestal-madeira, así como mozos e mozas do medio rural galego e persoas con expectativas de incorporación ao sector.
Información e inscricións na web. Deberán remitir a solicitude ao enderezo formacion.agacal@xunta.gal ou chamar ao teléfono 881 997 279 se requiren información adicional.