23 establecementos de Monforte no Saborea o Outono que comenza o día 14

A delegación da zona sur da Asociación Provincial de Empresarios de Hostalería e Turismo de Lugo (Apehl) pon en marcha a partir de mañá xoves, 14 de outubro, a campaña Saborea o Outono, co patrocinio do Concello de Monforte de Lemos.

Rúa Cardenal/ XdL

Un total de 23 establecementos da localidade ofrecerán nesta segunda quincena do mes de outubro –os xoves, venres, sábados e domingos– tapas, racións, pratos de carta, menús, almorzos e mesmo cócteles con produtos típicos do outono.

Todos os locais adheridos á campaña terán exposto un cartel identificativo como participantes e no seu interior contarán con dípticos de todos os establecementos partícipes.

Con esta iniciativa, a Apehl anima a todos os veciños a gozar da hostalería nesta nova normalidade, degustando os produtos típicos de Galicia nesta época do ano.

DEIXAR UN COMENTARIO

Please enter your comment!
Please enter your name here