Máis de 6 millóns e medio de quilos vendimados na D.O. Ribeira Sacra

Dos 6.516.473 de quilos de uva recolleitos ata a data na D.O. Ribeira Sacra, 5.217.169 de quilos corresponden a Mencía.

Vendima na Ribeira Sacra / C.R.D.O.R.S.

A data 14 de outubro recolléronse na D.O. Ribeira Sacra 6.516.473 quilos de uva, cando 88 adegas xa deron por rematada a campaña e 4 aínda non comunicaron a finalización dos traballos. Así séguese aumentando a diferenza coa campaña pasada que se pechaba con 5.244.049 de quilos, e auméntase tamén con respecto ao 2018, vendima que se pechaba o 22 de outubro con 6.170.995 quilos de uva vendimados. Mentres que no 2019 a D.O. Ribeira Sacra batía records coa vendima máis abondosa da súa historia, que se pechaba o 18 de outubro con 7.262.831 quilos.

Nesta campaña, despois de máis de 48 días totais de vendima, lévanse recollidas por variedades as seguintes cantidades:

Variedades tintas

  • Mencía 5.217.169 quilos
  • Garnacha 247.124 quilos
  • Sousón 97.315 quilos
  • Merenzao 59.127 quilos
  • Brancellao 58.783 quilos
  • Tempranillo 32.565 quilos
  • Caíño tinto 32.576 quilos
  • Mouratón 9.015 quilos
  • Grao Negro 638 quilos

  Variedades brancas

  • Godello 589.279 quilos
  • Albariño 96.294 quilos
  • Treixadura 57.905 quilos
  • Dona Branca 6.371 quilos
  • Branco Lexítimo 4.614 quilos
  • Loureira 4.371 quilos
  • Torrontés 3.327 quilos

DEIXAR UN COMENTARIO

Please enter your comment!
Please enter your name here