Iniciosociedade4.000 persoas ao mes usan o bus urbano de Monforte

4.000 persoas ao mes usan o bus urbano de Monforte

En números absolutos, mentres que en 2019 foron 14.422 os usuarios, en 2020 ascenderon ata 34.665, o que supón 20.233 persoas máis que en 2019. E en 2021, con respecto a 2019, son 23.128 usuarios máis, sen contar os tres meses que restan para finalizar o ano.

Publicado o

POR
Redacción
- Advertisement -

A media mensual neste 2021 supera ás 4.000 persoas ó mes, polo que a previsión é rebasar a finais de ano os 50.000 usuarios, se se manteñen esas cifras como sinala o Alcalde. O novo bus urbano gratuíto de Monforte transportou, en 2020, un 240% máis de persoas que en 2019, e a finais de 2021, suporá o 346% máis de viaxeiros, “o que significa todo un éxito para este servizo de trasporte público municipal dende que comezou a funcionar cun novo vehículo e de xeito gratuíto en febreiro de 2020”.

Desglose de usuarios

Segundo datos facilitados pola empresa concesionaria do servizo, por meses, o número de usuarios en 2021 foi o seguinte:

MesNúmero de viaxeiros
Xaneiro3.209
Febreiro3.729
Marzo4.189
Abril4.297
Maio4.667
Xuño4.395
Xullo4.179
Agosto4.280
Setembro4.605
Total37.550

O rexedor monfortino destaca que “a tenor destes datos, dende o inicio da posta en funcionamento do novo Bus Urbano, este tivo unha excelente acollida por parte dos cidadáns, alcanzando cifras moi elevadas de uso.

“Os excelentes datos de usuarios permítennos afirmar que este  novo autobús de transporte municipal público e gratuíto está a cumprir co fin social para o que foi ideado. Para o Equipo de Goberno de Monforte, o fomento do transporte público forma parte esencial das políticas sociais do goberno municipal”, sinala o alcalde.

ÚLTIMAS

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...