IniciosociedadeComeza en Monforte a campaña informativa porta a porta sobre separación de...

Comeza en Monforte a campaña informativa porta a porta sobre separación de residuos

Baixo o lema "Usa os colectores de cores: se ti separas, nós reciclamos", a campaña ten por obxectivo informar á veciñanza sobre as claves para que poidan levar a cabo unha axeitada reciclaxe dos residuos que xeran nos fogares.

Publicado o

POR
Redacción
- Advertisement -

A campaña comeza este luns 29 e prolongarase ata o vindeiro 24 de novembro tentando chegar coa información directamente ó cidadán, polo que se fai a campaña porta a porta, “unha persoa especializada en medio ambiente fará visitas domiciliarias, que serán realizadas tanto no núcleo urbano como nas diferentes parroquias”, explica o alcalde, José Tomé.

Farase reparto de folletos informativos no quese explican as diferentes fraccións a reciclar, así como os teléfonos de contacto e horarios de apertura do punto limpo de Monforte. O calendario de visitas iniciarase no casco urbano para despois continuar polas parroquias.

No ámbito urbano aproveitarase tamén para facer visitas ós comercios, recordándolle os diferentes servizos cos que poden contar, como pode ser a recollida porta a porta do cartón comercial, indicando os puntos de recollida máis próximos e os horarios de recollida. A campaña complétase cun stand informativo nos puntos de maior tránsito peonil da cidade, días antes do inicio do período das festas de Nadal.

A campaña incide especialmente no tipo de residuos que se deben depositar en cada un dos colectores específicos que para elo pon o Concello a disposición dos cidadáns:

  • Colector azul: no que se poden depositar todo tipo de produtos de papel: revistas, follas, xornais, caixas de cartón, envoltorios… E nel non se pode depositar nada que non sexa de papel ou cartón, por exemplo, bolsas de plástico, briks, envases, etc.
  • Colector amarelo: é o que recolle os envases de plástico, como botellas de auga, briks de zume ou leite, latas de refresco, conservas, etc. Neste colector non se poden depositar residuos tales como CD’s, roupa, bombillas, residuos orgánicos ou produtos contaminantes.
  • Colector verde: o destinado ós envases de vidro, tales como botellas ou tarros. Non admite todo aquelo que non sexa vidro: tapóns e tapas dos tarros, cristais de espellos, ventás…

ÚLTIMAS

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...