IniciosociedadeFolgoso do Courel convoca a licitación da construción da Área Fluvial de...

Folgoso do Courel convoca a licitación da construción da Área Fluvial de Mogoxe

O obxectivo da área recreativa de Mogoxe é, segundo lembran no Concello, consolidar o atractivo turístico de Folgoso do Courel e ampliar a oferta dispoñible tanto para a veciñanza como para os visitantes, baseada na natureza e o patrimonio etnográfico.

Publicado o

POR
Redacción
- Advertisement -

O Pleno do Concello de Folgoso do Courel acordou este mércores, 1 de decembro, en sesión extraordinaria e a proposta da Alcaldía, aprobar a memoria xustificativa e o expediente de contratación da obra de ‘Construción da Área Fluvial de Mogoxe’, convocando a súa licitación.

Tamén se aprobou o gasto correspondente, que ascende a 375.618,25 euros, dos que 150.000 euros proceden da Axencia Galega de Turismo e 150.000 euros da Consellería de Medio Ambiente, Territorio e Vivenda. A contía restante correspóndelle ao Concello de Folgoso do Courel.

Aprobáronse ademais os Pregos de Cláusulas Administrativas Particulares, así como o proxecto que servirá de documento de prescricións técnicas que rexerán o contrato. Tamén se vai publicar no perfil de contratante o anuncio de licitación e toda a documentación integrante do expediente de contratación.

A Corporación aprobou na mesma sesión e tamén a proposta da Alcaldía un expediente de modificación de crédito, coa modalidade de suplemento de crédito, financiado con cargo ao remanente líquido de Tesourería resultante da liquidación do exercicio anterior para acometer o proxecto de Mogoxe por un importe de 49.642,93 euro. As propostas de Alcaldía saíron adiante co voto a favor do equipo de Goberno, a abstención do PSOE e o voto en contra de Courel Vivo.

ÚLTIMAS

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...

Axudas para a reestruturación e reconversión das viñas

No DOGA do 26 de marzo publicouse a Orde da Consellería do Medio Rural...