Máis de medio millón de euros para a reforma do centro da Seguridade Social de Monforte

O Goberno investirá 514.110 euros nesta actuación que foi adxudicada á empresa Proyecon Galicia S.A, ademais dos 31.000 euros destinados á redacción do proxecto que realizou a UTE lucense LUDICA.

Seguridade Social Monforte / Subdelegación do Goberno

O Ministerio de Inclusión, Seguridade Social e Migracións destinará un investimento de máis de medio millón de euros a estas obras de remodelación e acondicionamento do seu centro de atención ao público de Monforte.

Os traballos teñen un prazo de execución de 6 meses. Para acometer as obras, desde esta semana a Seguridade Social presta servizo temporalmente en instalacións municipais do Edificio Multiusos, situado na avenida Emilia Casas Baamonde

A execución do proxecto suporá a actualización do centro de atención á cidadanía, situado na rúa San Pedro número 4, que contaba cunhas instalacións moi deterioradas, con serios problemas de humidades e climatización motivados polo mal estado do seu illamento, e que nunca fora reformado desde a súa apertura hai 31 anos. A Seguridade Social dá servizo nas súas dependencias de Monforte de Lemos a unha poboación potencial de máis de 55.000 persoas das comarcas de Lemos,Chantada e Quiroga.

DEIXAR UN COMENTARIO

Please enter your comment!
Please enter your name here