Miguel Martínez, novo Inspector da Policía Local de Monforte

O Alcalde de Monforte, José Tomé Roca, asinou na mañá deste luns, 13 de decembro, a acta de toma de posesión de Miguel Martínez Díaz da praza de Inspector do corpo de Policía Local de Monforte de Lemos.

Toma de posesión Miguel Martínez / concello de Monforte

Miguel Martínez adquire a condición de funcionario de carreira da escala executiva da Policía Local, na categoría de Inspector, subgrupo A2, na escala de administración especial para o que foi nomeado por Decreto de Alcaldía do 10 de decembro de 2021.

Previamente, Miguel Martínez superou o concurso-oposición convocado polo Concello así como o correspondente curso de capacitación na Academia Galega de Seguridade Pública de A Estrada.

Acompañado pola 1ª Tenente de Alcalde e Concelleira de Réxime Interior, Gloria Prada e o Secretario do Concello, José Antonio Mourelle Cillero, o Alcalde aproveitou tamén este acto de toma de posesión para departir co novo Inspector da Policía Local sobre diversos aspectos relacionados coas súas funcións na cidade e no conxunto do Concello.

DEIXAR UN COMENTARIO

Please enter your comment!
Please enter your name here