O 18 de decembro complétase a ruta da Ribeira Sacra do Miño

A Asociación Veciñal do Saviñao organiza para este sábado, 18 de decembro, a última etapa desta ruta de sendeirismo entre Pantón e O Saviñao.

Ruta Ribeira Sacra do Miño / Av O Saviñao

Sairase dende Bexán con baixada ata o burgo de Belesar, subida polos codos ata a igrexa románica de S. Paio de Diomondi.

Pasarase polos restos da igrexa de Montecelo ata os lugares de Piñeiro e Galegos. Dende aquí atravesarase o souto ribeireño ata as proximidades de Buxán onde se visitarán os restos do eremitorio de S. Pedro de Cela, e remate na recentemente restaurada igrexa románica de Stº Estevo de Ribas de Miño. En total uns 9 quilómetros.

A saída en microbús será ás 9:15 dende a praza Maior de Escairón, con volta en torno ás 2 da tarde. É imprescindible apuntarse para organizar o trasporte, nos teléfonos 677726325 ou no 982452013.

DEIXAR UN COMENTARIO

Please enter your comment!
Please enter your name here