Por mor dos actuais datos de contaxios por Coronavirus, as previsibles restricións que poden chegar, e seguindo recomendacións sanitarias, desde a directiva do CCU decidiron no día de hoxe cancelar todas as actividades previstas para os vindeiros días 22, 23 e 24 de decembro.
“Sendo estas actividades dirixidas especialmente a nenos e tal e como están as cousas, preferimos tomar esta decisión primando a precaución e responsabilidade por encima doutros intereses, aínda sentíndoo moito”, refiren dende a directiva.
O CCU Monforte viña de anunciar días atrás as rutas en tren para visitar a Papá Noel en diferentes puntos de Monforte.