Punto Limpo Móbil no concello de Bóveda para fomentar a reciclaxe

O Concello de Bóveda conta cun novo servizo municipal de recollida de residuos, un punto limpo móbil que percorrerá as 14 parroquias do concello de modo periódico.

Concello de Bóveda / XdL

A localización e datas da ruta do punto limpo móbil daranse a coñecer nas redes sociais, no taboleiro de anuncios do concello e no panel informativo que estará instalado xunto ao colector do Punto Limpo Móbil

Con este novo servizo favorécese que a veciñanza poida depositar residuos domésticos que non poden se eliminados por medio dos servizos convencionais de recollida de lixo. Neste novo punto limpo móbil poderá depositarse: pilas e baterías, vidro, plásticos, papel e cartón, pequeno electrodomésico, rupa e calzado, aceites usados e lámpadas e tubos fluorescentes. Son residuos non admitidos neste novo servizo: entullos, madeira, pneumáticos, porexpán, restos de poda, residuos radiactivos ou sanitarios e materi orgánica.

O novo servizo pretende evitar as verteduras incontroladas de residuos que non poden ser eliminados a través dos servizos convencionais, fomentar a adecuada clasificación dos residuos para a súa reutilización e reciclaxe, conservar o medio ambiente con ferramentas de proximidade para promover a eficiencia dos recursos e fomentar sistemas de recollida cómodos para os cidadáns.

DEIXAR UN COMENTARIO

Please enter your comment!
Please enter your name here