14.000 m2 a disposición das empresas que queiran instalarse no Polígono de Monforte

O concello quere mellorar a oferta de chan industrial con 9 parcelas que revertirán no concello máis dúas de carácter municipal coas que xa contaba a administración local no Polígono do Reboredo.

Polígono do Reboredo / SEA

A Xunta de Goberno do pasado luns, 7 de febreiro, acordaba a reversión ao concello das parcelas do Polígono industrial do Reboredo, que se venderan no ano 2007 e que non cumpriron cos pregos daquel concurso. Tal como establecen ditos pregos estas parcelas deben agora reverter no conccello.

A decisión levará consigo, unha vez lles sexa comunicada ás empresas implicadas a revocación dos seus contratos e remate o prazo de alegacións, que o Concello saque un novo concurso para poñer a estas parcelas a disposición das novas empresas que estean interesadas en adquirir chan industrial e instalarse no Polígono.

Tal como sinalou o Alcalde, “as 9 parcelas que poremos a disposición de todas estas empresas interesadas, suman un total de 11.749,56 metros cadrados, ós que hai que sumar outras 2 parcelas de titularidade municipal, unha de 1.076,95 m2 e outra 1.150,91 m2, o que suma en total 13.977,42 m2, o que creo que é unha superficie certamente importante que contribuirá a seguir aumentando o listado das empresas que conforman este polígono”.

DEIXAR UN COMENTARIO

Please enter your comment!
Please enter your name here