Suma e segue de melloras nas rúas de Monforte

O día 13 está previsto que comecen obras de mellora na rúa Carude, seguiranlle obras na rúa Reboredo e na estrada de Monforte a Rozabales.

Obras no cemiterio / Concello de Monforte

En Carude vaise actuar entre o Paseo de Lugo e a capela de San Lázaro, botarase  nova capa de aglomerado en quente a un treito de 465 metros. Na rúa Reboredo as obras faranse desde o paso a nivel ata onde rematan as beirarrúas, nun treito de 500 metros.

Na estrada de Monforte a Rozabales e Vilachá de Salvadur continuranse as obras iniciadas o pasado ano. Prevese desenvolver os traballos en dous tramos: dende o Barrio Novo ata a entrada para Caneda e un segundo tramo máis estreito nas proximidades da pista de Vilamarín.

Estas obras teñen un orzamento de 260.000 euros e comezarán en canto rematen as obras da ronda María Emilia Casas Baamonde, xa que as executa a mesma empresa, Ovisa.

DEIXAR UN COMENTARIO

Please enter your comment!
Please enter your name here