A Deputación fará melloras en 8 quilómetros de estradas da rede viaria provincial. Na LU-P- 4703, que vai da LU-652 a Santalla de Rei a LU-653 entre os puntos 4,6 e 6,8; a LU-P-4707, que vai da Pobra do Brollón por Saa, a Veneira De Roques entre os puntos quilométricos 1 e 2,8. Despois actuarase na LU-P-4707 que vai da Pobra do Brollón por Saa, a Veneira de Roques entre os puntos quilométricos 1 e 2,8. Logo será o turno para a LU-P-4710 da LU-P-4701 Salcedo á Estación da Pobra do Brollón (LU-933), entre os puntos 2,2 e 4,8. Para rematar na LU-P-4702, que vai de Vilachá por Rozavales á Estación da Pobra do Brollón, na que se actuará entre o puntos quilométricos 0 e 1,2. A previsión é ter rematadas as obras para mediados de outubro.
Con estas actuacións mellóranse os accesos a unha ducia de núcleos rurais na Pobra do Brollón, como Vilachá, Salvadur, A Eirexa, Salgueiros, Piño, Veiga, Santa de Rei, Santo Adrián, Fondorallo, Salcedo, Martul e Castroncelos.