Na comarca de Lemos o número de parados en marzo é de 1.429 (-60). Por concellos: Bóveda 39 (-3), Monforte de Lemos 1.030 (-45), Pantón 71 (-8), A Pobra do Brollón 69 (=), O Saviñao 130 (+2), Sober-82 (-6).
Na comarca de Quiroga o paro descendeu en 10 persoas, situándose en 249: Folgoso do Courel 36 (-6), Ribas de Sil 41(-3), Quiroga 172 (-1).
Na comarca de Chantada baixan os parados en 16 ata 554: Carballedo 62 (+2), Taboada 91 (-1), Chantana 401 (-17).
Baixou o paro tamén en todos os concellos da comarca de Sarria ata sumar 21 parados menos: O Incio 49 (-4), Láncara 91 (-6), Paradela 25 (4), O Páramo 36 (-5), Samos 34 (-2), Sarria 723 (-6), Triacastela 24 (-3).
Desde CCOO consideran que estes bos datos son como consecuencia das contratacións para a Semana Santa. Valoran moi positivamente o aumento da contratación indefinida, pasando dun 9% ao 21%. Consideran que dá os seus froitos a reforma laboral pactada cos sindicatos e a patronal e congratúlanse de que as comarcas de Lugo centro sur teñan máis de 23.500 cotizantes á seguridade social, cifras anteriores á pandemia.
Califica o sindicato de feito histórico, o impulso da Ministra de Traballo, para acabar coa discriminación das traballadoras empregadas do fogar, para equiparalas en dereitos, como ao resto das traballadoras, en canto a:
- cobranza de prestacións por desemprego
- cobranza do fogasa (en caso insolvencia do empregador)
- indemnización en caso despido (vella reinvindicación de CC.OO)
Congratúlanse desde CCOO da sentenza do supremo ditada esta semana que dá a razon ao acordo asinado co Ministerio de Traballo para facer realidade os plans de igualdade en empresas de menos de 6 traballadores onde non existe representación legal dos sindicatos maioritarios.
