A Adega Tear inaugura a XLII Feira do Viño de Amandi

A edición deste ano inaugurábase ás 12:00 deste sábado pola Adega Tear como homenaxe a Manuela Valdés, falecida recentemente, e ao seu marido Nilo Vila, falecido hai xa algúns anos. Esta edición da feira será dedicada o Concello de Bóveda continuando así cunha homenaxe especial que se fai cada ano a un Concello da comarca. E o pregón correrá a cargo de Chechu Salgado, quen vén de acadar o Goya a mellor actor revelación por ‘Las leyes de la frontera’.

Feira do Viño de Amandi inauguración 2022

Un total de 23 adegas do Concello de Sober participan nesta edición que volve á súa data habitual de sábado e domingo de Ramos.

Sábado 9 de abril

  • Ás 11:30 horas. Disparo de bombas de palenque anuncian o inicio da XLII Feira do Viño de Amandi.
  • Ás 12:00 horas. Apertura Oficial a cargo de Adega TEAR en lembranza aos seus fundadores Manuela Valdés e Nilo Vila.
  • Ás 12:15 horas. Actuación dun grupo de música tradicional.
  • Ás 17:00 horas. Comezo da Precata Oficial na Sala de Catas do Oficina Municipal de Turismo.
  • Ás 17:00 horas. Actuación dun grupo de música tradicional.
  • Ás 18:30 horas. Concerto da Banda de Música de Sober.
  • Ás 20:00 horas. Actuación da Charanga Louband na Praza do Concello.
  • Ás 23:00 horas. Actuación de GIN TONIC´S na Praza do Concello.

Domingo 10 de abril

  • Ás 10:30 horas. Disparo de 23 bombas de palenque (1 por cada colleiteiro participante).
  • Ás 10:45 horas. Actuación da Charanga NBA.
  • Ás 11:00 horas. Pasarrúas coa Banda de Música de Sober.
  • Ás 11:30 horas. Comezo da Cata Oficial na sala de catas do Centro Sociocultural de Sober.
  • Ás 11:30 horas. Misa Solemne coa Bendición de Ramos, na Igrexa de Sober.
  • Ás 12:30 horas. Recepción de Autoridades na Casa do Concello.
  • Ás 12:45 horas. Actuación da Banda de Música de Sober.
  • Ás 13:00 horas: Pregón a cargo de Chechu Salgado.
  • Ás 13:30 horas. Entrega de Premios.
  • Ás 17:00 horas. Actuación da Charanga NBA.
  • Ás 19:30 horas. Baile coa orquestra Los Satélites.

DEIXAR UN COMENTARIO

Please enter your comment!
Please enter your name here