IniciosociedadeAxuda no fogar e inserción laboral, a través de Albores Saúde Mental

Axuda no fogar e inserción laboral, a través de Albores Saúde Mental

O delegado territorial da Xunta, Javier Arias, visitou este xoves as instalacións de Albores en Monforte, acompañado do xerente da área sanitaria, Ramón Ares. A Consellería de Sanidade colabora co colectivo Albores no impulso de dous programas de atención integral no eido da saúde mental na Zona Sur da provincia de Lugo.

Publicado o

POR
Redacción
- Advertisement -

Un dos programas desenvolvidos por Albores consiste nun servizo de axuda no fogar para favorecer que as persoas que sofren a problemática da saúde mental adquiran autonomía na súa vida cotiá e poidan permanecer no seu entorno habitual. Estímase que esta medida tivo máis de 30 beneficiarios, entre os afectados e os familiares. No ano 2020 a asociación levou a cabo 728 intervencións no marco deste plan.

A segunda acción busca facilitar a inserción sociolaboral deste colectivo, con actividades que incrementen as súas posibilidades de atopar e manter un emprego. Para iso prográmanse obradoiros individuais e grupais que abordan cuestións como as habilidades precisas para buscar traballo; e tamén se fai acompañamento en entornos normalizados de emprego e formación.

Nova convocatoria

A través da convocatoria de 2022, a Xunta de Galicia destina 841.177 euros a financiar os programas que desenvolven as entidades sociais sen ánimo de lucro do eido da saúde mental. O prazo para presentar solicitudes está aberto ata o 11 de maio.

Nesta ocasión, a Xunta de Galicia adianta en tres meses a convocatoria con respecto ao ano pasado para facilitarlles aos beneficiarios a execución dos fondos. Ademais, anticipará o 100% da subvención no momento da notificación da concesión.

Arias destacou que nesta edición mantense unha liña diferenciada para o desenvolvemento de programas de prevención do suicidio, que se incorporou por primeira vez o ano pasado. De feito, este aspecto constitúe unha das prioridades marcadas polo Plan de Saúde Mental de Galicia 2020-2024. No marco deste Plan, estendeuse a rede de unidades de atención á saúde mental na sanidade pública galega, coa posta en marcha nesta área sanitaria dunha unidade de prevención do suicidio e cóntase con psicólogos clínicos de enlace de primaria e hospitalaria.

ÚLTIMAS

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...