Julio Álvarez afirma que é inconcibible que despois de tanto tempo unha das compañías de telefonía máis importantes do país non sexa capaz de solucionar os seus problemas de cobertura e que a veciñanza teña que sufrir continuamente cortes nun servizo que paga.
Os últimos problemas no servizo déronse esta fin de semana coincidindo con que na vila de Quiroga se atopaban máis de 5.000 persoas, ao celebrarse a proba Quiroga Trail Challenge á que acudiron máis de 1.300 corredores acompañados das súas familias.
Por todo isto o rexedor local esixe que a compañía solucione canto antes os problemas que impiden que Quiroga teña o servizo que cada usuario ten contratado e polo que ten que abonar a súa correspondente cota.