A Torre da Homenaxe monfortina lembrará o ‘Día Internacional da Enfermaría’

O Concello de Monforte iluminará de cor azul a emblemática edificación mañá, xoves 12 de maio, para conmemorar a sinalada data para este colectivo profesional.

Torre da Homenaxe en azul / concello de Monforte

O Día Internacional da Enfermaría celébrase o 12 de maio en todo o mundo con ocasión do aniversario do nacemento de Florence Nightingale, e a campaña deste ano céntrase no lema “Enfermería: Una voz para liderar – Invertir en enfermería y respectar los derechos para  garantizar  la salud global”.

O Alcalde, José Tomé Roca, sinala que “dende o Concello sumámonos a esta conmemoración para recoñecer a labor esencial das nosas enfermeiras e dos nosos enfermeiros, porque debemos recoñecer e aplaudir o seu traballo non só mañá senón todos os días do ano”.

O Consello Internacional de Enfermeiras (CIE) traballa en campañas que promoven e comparten mensaxes claves sobre temas de particular interese para a enfermaría; neste caso, insisten na importancia da produción e da distribución dos recursos destinados a este importante colectivo sanitario.

DEIXAR UN COMENTARIO

Please enter your comment!
Please enter your name here