O STEG oponse ao concerto de ciclos formativos co colexio dos Escolapios en Monforte

STEG-Sindicato de Traballadoras e Traballadores do Ensino de Galicia asegura que se modificou a autorización do centro privado Padres Escolapios de Monforte de Lemos e autorízanselle 6 ciclos formativos en modalidade presencial e réxime ordinario.

Colexio Nosa Señora da Antiga (Os Escolapios). Foto: XMF

Desde o sindicato afirman, “preocúpanos enormemente que teñan solicitado acceder ao réxime de concertos para ditos ciclos, xa que as circunstancias legais nas que se debería conceder o concerto serían:”

  • Se o centro vai satisfacer necesidades de escolarización na zona na que se vai situar.
  • Se vai atender poboacións socioeconomicamente desfavorecidas.
  • Se propón a realización dalgunha experiencia de interese pedagóxico para o sistema educativo.

Segundo STEG, vista a oferta pública de FP para a comarca, non se cumpren ningunha da circunstancias anteriores. Lembran que a LOMLOE recolle que as Administracións educativas deberán ter en conta o principio de economía e eficiencia no uso dos recursos públicos, e que se promoverá un incremento progresivo de postos escolares na rede de centros de titularidade pública. O sindicato insiste en manifestar o seu desacordo co concerto destes ciclos formativos.

DEIXAR UN COMENTARIO

Please enter your comment!
Please enter your name here