Este mércores os alumnos do colexio público de Pantón en Coñece a túa provincia

Preto de 180 veciños e veciñas de oito entidades da provincia de Lugo participan esta semana no programa da Deputación Coñece a túa provincia. Esta semana é a quenda da veciñanza de Xermade, Pantón, Lugo, Vilalba, Guntín e Becerreá, que coñecerá o patrimonio natural e cultural da provincia de Lugo a través de diferentes itinerarios.

AAVV Roupar Coñece a túa provincia / Deputación Provincial

Os alumnos do Colexio Público de Pantón visitarán este mércores a cidade de Lugo. Percorrerán a Muralla e o centro histórico, coñecerán o pasado da cidade no Museo Provincial e visitarán lugares como a ponte romana ou o balneario. O percorrido comezará no Pazo de San Marcos, coñecendo a historia deste edificio, agora sede da institución provincial.

O xoves é a quenda do Instituto de Estudos Chairegos Pena do Encanto, de Vilalba, coñecerán o Pazo de San Marcos e continuarán a súa viaxe cara Taboada e Chantada, onde visitarán o patrimonio románico dos concellos e aprenderán sobre a viticultura heroica.

Coñece a túa Provincia busca apoiar a actividade do sector turístico, hostaleiro e comercial, e consolidar un modelo de turismo de calidade, sostible, con capacidade para atraer visitantes ao longo do ano, que pon en valor o patrimonio e que mantén e crea emprego, sobre todo no rural.

DEIXAR UN COMENTARIO

Please enter your comment!
Please enter your name here