Iniciosociedade‘Encontro entre mulleres e palabras’ no Courel

‘Encontro entre mulleres e palabras’ no Courel

Actividade de convivencia nun encontro no que as mulleres serán as protagonistas das súas propias historias a través da palabra.

Publicado o

POR
Redacción
- Advertisement -

A Casa das Tecedeiras, en Vieiros, acollerá un encontro onde a sororidade estará presente, aplicando cuidados e autocuidados. Será os días 27, 28 e 29 de maio e teñen programadas diferentes actividades: haberá obradoiros con autoras recoñecidas, escoitaranse relatos de proxectos sorprendentes, haberá visionado de traballos cinematográficos e gozarase tamén dun concerto o sábado pola noite.

A inscrición, por un importe de 60 euros, inclúe aloxamento dos tres días así como as dietas. Aínda queda algunha praza e pódese reservar no teléfono 655823803 ou a través do correo electrónico mulleresepalabras@gmail.com

PARTICIPAN

Haberá obradoiros de Eva Mejuto, Carmen Granxeiro e Susana Sánchez Aríns; curtametraxes de Xisela Franco; actuación musical de ‘Fillas de Casandra”; presentación dos proxectos ‘A Libraría da Proencia’ de Paula Vázquez, ‘Outonía’ de Paula Carrera, e ‘A Sega’ de Aríns; e tamén haberá unha mostra de cerámica a cargo de Mare Salgado.

PROGRAMACIÓN

A chegada a estas xornadas de convivencia cultural nas que a muller é protagonista comezarán o venres 27 ás 19:00 h. momento no que se fará unha presentación breve da contorna. A partir das 20 h. proxección de curtas, cea e música no Patio da Tola.

O sábado 28 están programados obradoiros pola mañá e pola tarde cun breve paseo despois de xantar e como descanso antes da sesión de tarde. Trala cea actuación musical de ‘Fillas de Cassandra’ ás 22:30 h.

O domingo 29, como peche do encontro, faranse as presentación dos proxectos de varias emprendedoras e unha mostra da obra da ceramista Mare Salgado. Isto pola mañá, e despois de xantar un paseo para coñecer a fervenza de Vieiros antes da despedida.

ÚLTIMAS

Literatura, foliada e caldo en Saa, na Pobra do Brollón

Este sábado 30 de marzo á tardiña o Concello da Pobrado Brollón e a...

Afra Blanco: “A Feira do Viño de Quiroga é a primeira festa que descubrín de Galicia”

Afra Blanco, que fora portavoz da sección xuvenil da UGT e hoxe responsable de...

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...