IniciosociedadeO IES A Pinguela impartirá un Ciclo Medio de Confección e Moda

O IES A Pinguela impartirá un Ciclo Medio de Confección e Moda

Haberá 22 prazas dispoñibles para este novo ciclo que se suma aos once cos que xa conta o centro de ensino monfortino de cara ao vindeiro curso 2022/23.

Publicado o

POR
Redacción
- Advertisement -

Segundo informan dende o IES A Pinguela, a Consellería de Educación vén de publicar a oferta de FP para o curso 2022-23 cunha boa nova para o centro formativo monfortino.

No IES A Pinguela gábanse de seren unha referencia, tamén na Formación Profesional da provincia, tras coñecer que engadirán un novo ciclo formativo á familia profesional de Téxtil. A maiores do ‘Ciclo Medio de Calzado e Complementos de Moda’ impartirán, desta en ordinario, o Ciclo Medio de Confección e Moda para o que sairán 22 prazas.

Deste xeito, a oferta educativa do IES A Pinguela quedará como segue:

No que respecta a Educación Secundaria Obrigatoria (ESO) haberá ata 8 grupos; e para Bacharelato contarase con: Ciencias e Tecnoloxía (Ata 2 grupos por curso),  e Humanidades e Ciencias Sociais (Ata 2 grupos por curso).

Ciclos da familia profesional de Imaxe Persoal:

-Ciclo Medio de Estética e Beleza

-Ciclo Medio de Peiteado

-Ciclo Superior de Estilismo e Dirección de Peiteado (FP dual: 20 PRAZAS)

Ciclos da Familia Profesional de Informática:

-Ciclo Medio de Sistemas Microinformáticos e Redes

-Ciclo Superior de Desenvolvemento de Aplicacións Web (vespertino)

Ciclos da familia profesional de Administración:

-FP Básica de Servizos Administrativos

-Ciclo Medio de Xestión Administrativa

-Ciclo Superior de Administración e Finanzas

-Ciclo Superior de Administración e Finanzas (FP dual: 13 prazas) 

-Ciclo Superior de Asistencia á Dirección (adultos modular)

Ciclos da familia profesional de Téxtil:

-Ciclo Medio de Calzado e Complementos de Moda (FP dual: 18 prazas) 

-Ciclo Medio de Confección e Moda.

As prazas da FP dual veñen definidas sobre todo polos contratos con empresas previstos, dado que o alumnado, ademais de adquirir unha maior experiencia laboral, recibe unha remuneración económica e teñen cotización á Seguridade Social.

Todos os alumnos e alumnas de FP teñen tamén, agora na postpandemia, a posibilidade de realizar prácticas en empresas da Unión Europea, xa que o centro conta con acreditación Erasmus+ recoñecida ata o 2027.

Para o vindeiro curso, o centro retomará a FCT en países como Irlanda, Francia ou Italia, ademais de incorporar a novas empresas de Portugal.

ÚLTIMAS

Sinistro de circulación en Chantada

Segundo informou o 112, o persoal do Servizo de Urxencias Sanitarias de Galicia-061 foi...

A Deputación esixe á Xunta o remate urxente da estrada de Folgoso do Courel derrubada hai dous anos

A Deputación de Lugo esixe á Xunta de Galicia medidas urxentes para axilizar e...

O Club Quixós participa estes días na 2ª Copa de España de Eslálom Olímpico

O Club de Piragüismo Quixós, de Monforte, chegou con dez deportistas a terras catalás...

O IES Daviña Rey e o CEIP Plurilingüe Monte Baliño contarán con Clubs de Lectura nas Bibliotecas

Un total de 431 centros escolares, 53 deles de nova incorporación como serán o...