A concesión deste espazo é por dous anos, con posibilidade de dúas prórrogas anuais, é dicir, un máximo de catro anos. En Ponte do Sil o prezo é de 502,50€ ao mes, 6.030€ ao ano.
“Con este proceso de concorrencia pública non buscamos unha rendibilidade económica, senón social e turística. É un inomble situado nun enclave moi atractivo e o seu funcionamento enriquece a oferta turística da provincia, o que terá un impacto positivo para a economía e o emprego”, subliñou o Presidente.
Na cafetería do Club Náutico de Ponte de Sil, a Deputación desenvolveu recentemente un conxunto de obras de mellora e regularización das instalacións cun investimento de preto de 40.000€. Por unha banda, fixéronse as actuacións necesarias para instalar unha estación de depuración de augas e, por outra, colocouse unha plataforma elevadora para mellorar a accesibilidade neste lugar.
O Club Náutico Ponte do Sil está situado ao carón do embarcadoiro da Deputación, de onde parte unha das rutas en catamarán que a institución ten en funcionamento na Ribeira Sacra. Atópase nun lugar privilexiado con vistas ao río Sil, sendo o complemento perfecto para as persoas que desfrutan deste entorno fluvial.